ATHINË: DREJTORI I PËRGJITHSHËM I POLICISË SË SHTETIT TË REPUBLIKËS SË SHQIPËRISË ILIR PRODA PO MERR PJESË NË KONFERENCËN E 52-të RAJONALE EVROPIANE TË INTERPOL-it.

Athinë, Greqi | Drejtori i Përgjithshëm i Policisë së Shtetit të Republikës së Shqipërisë Drejtues Madhor Ilir Proda, po merr pjesë në Konferencën e 52-të Rajonale Evropiane të INTERPOL-it (Organizata Ndërkombëtare e Policisë Kriminale) që po zhvillohet në Athinë, ku po trajtohet kompleksiteti në rritje i krimit ndërkombëtar.

Konferenca drejtohet nga Zëvendëspresidenti i INTERPOL-it për Evropën, Petër dë Baishër (Peter de Buysscher).

Pjesëmarrësit po shqyrtojnë disa nga format më të rënda të krimit, siç janë:

1- Trafikimi i drogës.

2- Trafikimi i armëve.

3- Abuzimi seksual me të mitur.

4- Ndërlidhja midis krimit të organizuar dhe terrorizmit.

Të gjitha këto, me qëllim gjetjen e formave të reja për t’i parandaluar dhe luftuar këto fenomene me natyrë tejet kriminale.

Gjithashtu, Konferenca e këtij viti, do të përqendrohet edhe në:

1- Kërcënimet moderne në zhvillim e sipër.

2- Kërcënimet ndaj sigurisë.

3- Anën e errët të inteligjencës artificiale.

4- Identifikimin dhe rikuperimin e aseteve të nxjerra nga aktivitetet kriminale, përmes programit pilot të INTERPOL-it, të emërtuar “Silver Notice”.

Policia e Shtetit e Republikës së Shqipërisë zyrtarisht përfaqësohet në këtë Konferencë nga:

1- Drejtori i Përgjithshëm i Policisë së Shtetit, Drejtues Madhor, Ilir Proda.

2- Drejtori i Departamentit për Marrëdhëniet Ndërkombëtare, Drejtues i Lartë, Pëllumb Seferi.

Drejtori Proda, pas konferencës, do të zhvillojë një sërë takimesh të rëndësishme me përfaqësues të lartë të INTERPOL-it dhe homologë të tij.

Konferenca tre-ditore, e cila, vijon punimet, bashkon më shumë se 150 përfaqësues të lartë të autoriteteve policore nga Evropa dhe nga e gjithë bota, me qëllim adresimin e sfidave më të rëndësishme për policimin evropian dhe ndikimin e krimit ndërkombëtar në rajon.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit