AMBASADA E REPUBLIKËS POPULLORE TË KINËS NË JAPONI: NUK PREMTOJMË TË HEQIM DORË NGA PËRDORIMI I FORCËS NDAJ TAJVANIT.

Tokio, Japoni | “Kina është e gatshme të bëjë çdo përpjekje për të arritur ribashkimin paqësor të të dyja anëve të Ngushticës së Tajvanit, por, ne kurrë nuk do të premtojmë të heqim dorë nga përdorimi i forcës, as nuk do të lëmë hapësirë ​​për ndonjë formë aktiviteti separatist për pavarësinë e Tajvanit”.

Kjo është ajo që lexojmë në një postim të Ambasadës Kineze në Japoni në rrjetin social virtual Iks (X), i cili, përsërit paralajmërimin drejtuar Tokios kundër ndërhyrjes të tij të mundshme për të mbrojtur ishullin, siç u sugjerua më 7 nëntor nga Kryeministrja Sanae Takaiçi (Takaichi) në rast të agresionit të Pekinit kundër Taipeit.

Japonia me siguri do të përballet me një përgjigje të fortë nga Kina.

Deklarata nga ambasada kineze në Tokio përsëriti gjithashtu se Pekini nuk do të bëjë asnjë kompromis apo lëshim ndaj ndërhyrjeve të jashtme, duke rezervuar të drejtën për të marrë të gjitha masat e nevojshme sepse Tajvani i përket Kinës dhe se si të zgjidhet çështja e Tajvanit dhe të arrihet ribashkimi kombëtar është një çështje që i takon popullit kinez për të vendosur.

“Prandaj, nëse Japonia guxon të ndërhyjë në kauzën e ribashkimit kinez, ose të tentojë ndërhyrje të armatosur në situatën ndër-ngushticë, nën pretekstin e një situate që kërcënon mbijetesën, atëherë do të ishte një akt agresioni dhe me siguri do të përballet me një përgjigje të fortë nga Kina.

Ne do ta ushtrojmë me vendosmëri të drejtën tonë për vetëmbrojtje sipas Kartës së OKB-së dhe ligjit ndërkombëtar dhe do të mbrojmë sovranitetin dhe integritetin territorial të Kinës”, thuhet në paralajmërimin për Japoninë, i cili, ishte edhe më i qartë se ditët e fundit.

Kryeministrja japoneze Takaiçi (Takaichi), gjatë një seance parlamentare, tha se përdorimi i forcës nga Kina ndaj Tajvanit mund të përbëjë një situatë që kërcënon mbijetesën e Japonisë dhe kështu ta nxisë Tokion të ndërhyjë nën vetëmbrojtje kolektive.

Këto komente shkaktuan një reagim të ashpër kinez, i cili e konsideron Tajvanin një pjesë të shenjtë dhe të patjetërsueshme të territorit të vet, që duhet të ribashkohet, madje edhe me forcë, nëse është e nevojshme.

Kriza më e keqe diplomatike në më shumë se një dekadë ka shpërthyer midis dy vendeve, me një përshkallëzim të nxitur, nga perspektiva e gjuhës mandarine, nga refuzimi i kryeministres për të tërhequr komentet e saj.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit