AKSIDENT AUTOMOBILISTIK NË AFGANISTAN | 76 TË VDEKUR.

Guzarah, Afganistan | “Numri i të vdekurve nga aksidenti i djeshëm rrugor që përfshinte një kamion, një autobus dhe një motoçikletë në provincën Herat, në Afganistanin perëndimor, është rritur në të paktën 76 veta”, sipas guvernatorit të provincës Mohammad Jusuf (Yousuf) Saeedi.

“Shtatëdhjetë e gjashtë veta kanë humbur jetën (...) dhe tre të tjerë (janë) në gjendje kritike”, tha Guvernatori Saeedi.

Autobusi mbante migrantë afganë që ktheheshin nga Irani dhe po shkonte drejt kryeqytetit Kabul.

Shumica e viktimave ishin në autobus, së bashku me dy persona që udhëtonin në kamion dhe dy të tjerë në motoçikletë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit