121680 € TË PADEKLARUARA U KAPËN NGA POLICIA | OPERACIONI “FLUKSI”.

Porti i Durrësit, Shqipëri | Nga policia vendore e Durrësit u gjetën dhe u sekuestruan 121680 euro në tavanin e një autobusi. Në lidhje me këtë ngjarje Policia e Shteti lëshoi këtë njoftim: “Bazuar në analizën e riskut dhe në informacionet e siguruara nga inteligjenca policore, në bashkëpunim me autoritetet doganore, është organizuar dhe finalizuar operacioni policor i koduar ‘Fluksi’, në vazhdën e operacioneve të njëpasnjëshme të finalizuara në këtë Pikën e Klimit Kufitar (pkk), për parandalimin e futjes së shumave të konsideruehsme të parave, pa i deklaruar, shuma të cilat dyshohet se janë përfituar nga veprimtaritë kriminale. Në kuadër të këtij operacioni, shërbimet e Policisë Kufitare, në hyrje të vendit, kaluan në vijën e dytë, për kontroll të detajuar, autobusin e linjës ‘Durrës-Bari-Durrës’, në pronësi të shtetasit Leonard Nikolli, dhe me drejtues shtetasin E. S. Gjatë kontrollit të ushtruar në tavanin e këtij autobusi, të kryer duke përdorur metoda bashkëkohore të kontrollit, shërbimet e Policisë gjetën dhe sekuestruan në cilësinë e provës materiale, 121680 euro, të cilat këta shtetas tentonin t’i futnin në vendin tonë, pa i deklaruar në pkk, konform ligjeve në fuqi. Në vijim të veprimeve procedurale për këtë rast, u arrestua në flagrancë shtetasi Leonard Nikolli, 44 vjeç, si dhe u referuan materialet në Prokurori ku nisi procedimi në gjendje të lirë për shtetasin E. S., 34 vjeç, të dy banues në Durrës. Në drejtimin e Prokurorisë, vijojnë hetimet për dokumentimin e plotë ligjor të këtij rasti. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.” Nga z. Erton Duka.

© Copyright | Agjencia Telegrafike Vox