ZËDHËNËSJA E MINISTRISË SË JASHTME RUSE MARIA ZAKHAROVA: PREMTIMI I PRESIDENTIT VOLODIMIR ZELENSKI PËR TË MBAJTUR ZGJEDHJE NË UKRAINË ËSHTË SI NJË TEATËR KUKULLASH.

Moskë, Federata Ruse | “Premtimi i Presidentit Volodimir Zelenski për të mbajtur zgjedhje në Ukrainë nëse perëndimorët garantojnë sigurinë e tyre, ngjan me një skenë nga një teatër kukullash”.

Kështu deklaroi zëdhënësja e Ministrisë së Jashtme ruse, Maria Zakharova.

“Zelenski thotë se dëshiron pavarësi për Ukrainën, por kërkon që vendet e tjera të garantojnë mundësinë e mbajtjes së zgjedhjeve dhe në të njëjtën kohë i quan këto zgjedhje demokratike”, tha zëdhënsja Zakharova për entin mediatik “Radio Sputnik”, e cituar nga agjencia ruse e lajmeve “Tass”, duke pretenduar se kjo i ngjan teatrit Karabas-Barabas, domethënë udhëheqësit tiranik të një teatri kukullash në një përrallë të Aleksei Tolstoit (Alexei Tolstoy).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit