___.png)
VJEDHJA E NJË KOVE ÇOI NË LUFTË BOLONJËN ME MODENËN | U VRANË 2000 USHTARË.
- Agjencia Telegrafike Vox
- Mar 23, 2024
- 2 min read
Modena, Itali | Nga mesjeta e vonë deri në Rilindje, Italia veriore ishte e ndarë midis fraksioneve që mbështesnin pretendimet rivale politike të Perandorit të Shenjtë Romak (Ghibellines) dhe Papës (Guelphs).
Modena ishte Ghibelline; Bolonja ishte Guelph.
Dallimet politike i përkeqësuan konfliktet natyrore për territoret kufitare.
Luftërat dhe konfliktet kanë qenë gjithmonë pjesë e kësaj bote. Disa perandorë e bënë këtë për të zgjeruar mbretëritë e tyre, ndërsa të tjerët luftuan për hakmarrje.
Por a keni parë ndonjëherë një luftë midis ushtrive për një kovë uji?
Një betejë në vitin 1325 pas Krishtit, u zhvillua midis dy qyteteve rivale të Italisë, Bolonjës dhe Modenës, e cila, njihet gjerësisht si Beteja e Zapolinos ose Lufta e Kovës së Lisit.
Lufta filloi kur një grup ushtarësh nga Modena hynë në qytetin e Bolonjës dhe vodhën një kovë, e cila,,,, mbahej pranë një pusi, që ndodhej në qendër të qytetit.
Në këtë luftë u përfshinë gjithsej 30000 ushtarë, prej të cilëve rreth 2000 burra humbën jetën.
Bolonja e konsideroi vjedhjen e kovës së ujit një fyerje nga qyteti fqinj. Në këmbim, ata u kërkuan ushtarëve të Modenas që të kthenin kovën.
Propozimi u refuzua nga qyteti i Modenës, i cili, nuk la zgjedhje për autoritetet e Bolonjës dhe për këtë arsye ata i shpallën luftë fqinjëve të tyre.
Lufta u zhvillua në qytetin e Zapolinës, më 15 nëntor 1325 pas Krishtit.
Bolonja kishte një ushtri e cila përbëhej nga 30000 këmbësorë dhe 2000 kalorës.
Modena kishte vetëm 5000 këmbësorë dhe 2000 kalorës.
Pavarësisht hendekut të madh në numër, ushtria e Modenës mundi ushtrinë e Bolonjës në fushën e betejës.
Beteja përfundoi me ngrysjen e natës, dhe brenda rreth dy orësh, bolonjezët u mundën dhe u larguan në muret e qytetit të tyre.
Në këtë betejë u vranë 1500 ushtarë nga Bolonja dhe 500 ushtarë nga Modena. Disa rrëfime thonë se modenezët morën një kovë nga një pus jashtë portës së qytetit si trofe.
Pas vdekjes së rreth 2000 njerëzve, u arrit një marrëveshje midis qyteteve Modena dhe Bolonja.
Sipas saj, Modena ktheu mallin që kishte grabitur nga Bolonja, përveç kovës.
Besohet gjithashtu se kova u mor nga modenezët pas luftës, pasi arsyeja e vërtetë pas betejës ishte kapja e kështjellës së Bolonjës nga ushtria e Modenës.
Pas luftës, fuqia Ghibelline ishte rritur edhe një herë, por luftërat nuk kishin mbaruar.
Në 1447 pas Krishtit, Ghibellines hasi dështime kur u krijua Republika Ambrosiane dhe u shpërbë.
Luftërat e Guelphs dhe Gibellines vazhduan deri në vitin 1529 pas Krishtit, kur Charles I i Spanjës mori pushtetin perandorak në Itali gjatë Luftërave Italiane.
Përballë kërcënimit të një pushtimi të huaj, të dy fraksionet bënë paqe me njëri-tjetrin.
Beteja është e famshme edhe për kovën e drurit që modenezët morën si plaçkë nga bolonjezët.
Historia e kovës u tregua në poemën satirike të Alessandro Tassonit La secchia rapita (1614–15 pas Krishtit, botuar në Paris, 1622 pas Krishtit).
Kova ruhet ende në një bodrum të Torre della Ghirlandina, në Modena, Itali.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
