USHTRIA SHTIU MBI TURMËN NË RAFAH | 27 TË VDEKUR + 90 TË PLAGOSUR.

Gazë | Ministria e Shëndetësisë e Hamasit thotë se të paktën 27 persona u vranë dhe 90 të tjerë u plagosën ndërsa prisnin ndihmë në jug të Gazës këtë mëngjes.

“Disa nga të plagosurit janë në gjendje kritike”, shtoi ai.

“Ushtria izraelite tha se trupat e saj qëlluan pasi identifikuan të dyshuarit rreth 0.5 km (0.3 milje) nga një vend shpërndarjeje ndihmash pranë Rafah, në të cilin disa palestinezë raportuan viktima”, raporton BBC-ja.

Ushtria Izraelite (IDF) tha se fillimisht qëlloi zjarr paralajmërues, duke shtuar se pasi të dyshuarit nuk u tërhoqën, të shtëna shtesë u qëlluan pranë disa individëve të dyshimtë që po përparonin drejt trupave.

Forcat Mbrojtëse të Izraelit gjithashtu konfirmuan se ishin në dijeni të raporteve të viktimave dhe se detajet e incidentit po verifikohen.

“Të paktën 10 palestinezë u vranë në sulmet ajrore izraelite në Rripin e Gazës të hënën në mëngjes, raportoi agjencia e lajmeve Wafa”, duke cituar entin mediatik “The Guardian”.

Dy fëmijë thuhet se ishin midis të vrarëve në një sulm ndaj një shtëpie që strehonte persona të zhvendosur në Kan Junis (Khan Yunis).

“Ushtria izraelite (IDF) njoftoi sot vdekjen e tre ushtarëve gjatë luftimeve në Rripin verior të Gazës”, raportoi IDF-ja në Telegram.

Ata janë:

1- Rreshteri Major Lior Steinberg.

Rreshteri Ofek Barhana (të dy 20 vjeç dhe të dy mjekë nga Batalioni i 9-të i Brigadës Givati).

2- Rreshter Majori Omer Van Gelder, 22 vjeç, udhëheqës skuadre nga Batalioni i 9-të i Brigadës Givati.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit