USHTRIA E IZRAELIT ZBULOI DHE VULOSI ME 250 METRA KUB BETON NJË TUNEL TË HAMASIT I GJENDUR PRANË SPITALIT EVROPIAN TË KAN JUNISIT (KHAN YUNIS).

Gazë | “Batalioni i inxhinierisë së Brigadës Golani, me ndihmën e ushtarëve të Njësisë elitare Yahalom, zbuloi dhe vulosi një tunel terrorist të Hamasit pranë Spitalit Evropian të Kan Junisit (Khan Yunis), në jug të Rripit të Gazës”, konfirmoi ushtria të martën.

Vulosja e tunelit përfshinte përdorimin e kamionëve dhe mikserëve të çimentos për të derdhur 250 metra kub beton, shtoi ushtria, duke vënë në dukje se operacioni u krye me saktësi dhe kujdes për të shmangur dëmtimin e ndërtesës së spitalit.

Kjo pasoi dy javë operacionesh nga ushtarët e Brigadës Golani, të cilët, së bashku me forcat speciale të IDF-së dhe inteligjencën, kryen operacionet për të gjetur dhe hartëzuar një infrastrukturë nëntokësore në shkallë të gjerë të Hamasit pranë Spitalit Evropian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit