UNIFIL-i: SULM IZRAELIT KUNDËR PAQERUAJTËSVE TË OKB-së NË LIBAN | FORCA MBROJTËSE E IZRAELIT (IDF): AKT I PAQËLLIMSHËM.

Nakura (Naqoura), Liban | UNIFIL-i tha se dronët izraelitë hodhën katër granata pranë paqeruajtësve, në atë që e quajti një nga sulmet më serioze kundër personelit të saj që nga armëpushimi i nëntorit.

“Dje në mëngjes, dronët e Forcave të Mbrojtjes së Izraelit hodhën katër granata pranë paqeruajtësve të UNIFIL-it, të cilët, po pastronin postblloqet që bllokonin qasjen në një post të Kombeve të Bashkuara”, tha forca e OKB-së.

“Një granatë ra më pak se 20 metra larg personelit dhe automjeteve të OKB-së, ndërsa tre të tjerat ranë afërsisht 100 metra larg.

Dronët u vunë re duke u kthyer në jug të Vijës Blu”, shkroi UNIFIL-i në faqen e tij të internetit.

“IDF-ja ishte informuar paraprakisht për punën e pastrimit të rrugëve që po zhvillohej nga UNIFIL-i në zonë, në juglindje të fshatit Maruahin.

Për arsye sigurie, puna e djeshme u pezullua për shkak të incidentit.

Çdo veprim që rrezikon paqeruajtësit dhe pronën e tyre, si dhe çdo ndërhyrje në detyrat e tyre të caktuara, është i papranueshëm dhe përbën një shkelje serioze të Rezolutës 1701 dhe ligjit ndërkombëtar.

Është përgjegjësi e Forcave të Mbrojtjes së Izraelit të sigurojnë sigurinë e paqeruajtësve që kryejnë detyrat e caktuara nga Këshilli i Sigurimit”, shtoi ai.

Duke iu përgjigjur raportimeve se dronët izraelitë hodhën granata pranë personelit të UNIFIL-i dje, IDF-ja tha se forcat e saj po reagonin ndaj një pranie të dyshimtë në zonë.

Raporti i entit mediatik “Times of Israel” thotë se:

1- “Pas një hetimi IDF-ja tha se zhvilloi një diskutim përmes kanaleve të komunikimit ushtarak për të sqaruar incidentin”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit