LIBAN: 25 ARRESTIME PËR SULMIN NË AUTOKOLONËN E UNIFIL-it KU MBETI I PLAGOSUR GJENERALMAJORI NEPALEZ CHOK BAHADUR DHAKAL | LAJMIN E KA BËRË TË DITUR MINISTRI I BRENDSHËM AHMAD AL-HAJJAR.

Bejrut, Liban | Në Liban, më shumë se 25 veta janë arrestuar në lidhje me sulmin e djeshëm ndaj një kolone të misionit të OKB-së (UNIFIL) nga protestuesit pro-Hezbollahut pranë aeroportit të Bejrutit.

Njoftimi u bë nga ministri i Brendshëm i qeverisë së re Salam, Ahmad al-Hajjar.

“Më shumë se 25 veta u arrestuan nga inteligjenca e ushtrisë libaneze”, ndërsa një person tjetër u arrestua nga shërbimet e sigurisë, tha ministri al-Hajjar.

“Kjo nuk do të thotë se janë domosdoshmërisht personat e arrestuar që kryen sulmin, por hetimi do të zbulojë se kush është përgjegjës”, shtoi ministri libanez.

Në sulmin e djeshëm u plagos një gjeneral nepalez i UNIFIL-it, të OKB-së (gjeneralmajor Chok Bahadur Dhakal i Ushtrisë Nepaleze, i vendosur nën Forcën e Përkohshme të Kombeve të Bashkuara në Liban (UNIFIL)).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit