U ARRESTUA NË DUBAI FIGURA KRIMINALE E DROGËS NË ANTUERP I QUAJTUR OTHMAN EL BALLOUTI | BELGJIKA PO KËRKON EKSTRADIMIN E TIJ SIPAS NJË TRAKTATI TË VITIT 2021 ME EMIRATET E BASHKUARA ARABE.

Dubai, Emiratet e Bashkuara Arabe | Z. Othman El Ballouti, një figurë famëkeqe në tregtinë e drogës në Antuerp (Antwerp), të Belgjikës, është arrestuar në Dubai, raporton enti mediatik “Het Laatste Nieuws”.

Kapja e tij shihet si një përparim në shënjestrimin e bosëve të drogës që veprojnë nga jashtë territorit belg.

Z. El Ballouti, me nofkën El Patron, u dënua në mungesë me shtatë vjet për trafikimin e 840 kg kokainë dhe gjithashtu është i lidhur me një ngarkesë 11 tonësh të konfiskuar në vitin 2021.

Arrestimi i tij vjen pas zbulimit të komunikimeve telegrafike të kryera në platformën e koduar Sky Ecc, e cila, ekspozoi rrjetet globale të drogës dhe implikoi dhjetëra trafikantë me bazë në Antuerp (Antwerp).

Përtej perandorisë së tij të drogës, El Ballouti është xhaxhai i Firdaous, një vajze 11-vjeçare, e cila u vra në një të shtënë të lidhur me bandë në Antuerp (Antwerp) vitin e kaluar.

Dy vëllezërit e tij janë gjithashtu në gjyq për krime droge, me prokurorët që kërkojnë 20 vjet dënime kundër grupit.

El Ballouti prej kohësh pretendon se portofoli i tij i pronave prej 7.5 milionë eurosh në Dubai vjen nga një biznes i orëve luksoze. Pretendimi është pritur me skepticizëm nga hetuesit.

Emiratet e Bashkuara Arabe kanë rritur së fundmi bashkëpunimin me Belgjikën, duke ekstraduar disa autorë të drogës, duke përfshirë një tjetër mbret të Anturpit (Antwerpit), z. Nordin El Hajjioui, në fillim të këtij viti.

Zyrtarët belgë tani presin konfirmimin e rikthimit të z. El Balloutit.

Belgjika po kërkon ekstradimin e tij sipas një traktati të vitit 2021 me Emiratet e Bashkuara Arabe.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit