U ARRESTUA EDMOND ZOGO | AKUZOHET PËR TRAFIKIM AUTOMJETESH TË VJEDHURA.

Fier, Shqipëri | Z. Edmond Zogo, me moshë 55 vjeç, u arrestua nga strukturat vendore të Policisë së Shtetit.

Ai akuzohet si bashkëpunëtor për trafikimin në Shqipëri të automjeteve të vjedhura në Itali dhe në Gjermani, dhe për pajisjen e tyre me dokumente false.

Në kërkim policor u shpallën edhe tre bashkëpunëtorët e tij, dy banues në Berat, dhe një në Itali (qytetar italian).

Në bashkëpunim me njëri tjetrin ndërhynin në shasinë e mjeteve dhe paraqitnin dokumente false për to me qëllim për t’i shitur më pas në Shqipëri.

Në kuadër të operacionit “Long Way”, janë sekuestruar 2 automjete të vjedhura, kamper, dhe tip “Fiat”, prodhime të viteve të fundit, me vlerë rreth 120 mijë €. Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit