TË SHTËNA ME ARMË ZJARRI NË NJË KLUB NË MOLFETA PËR SHKAK TË LUFTËS MES KLANEVE KRIMINALE | U VRA ANTONIA LOPEZ NGA BARI + U PLAGOS ASPIRANTI PËR TU BËRË SHEF EUGENIO PALERMITI + 2 VETA TË TJERË.

Molfeta, Itali | Një vajzë 19-vjeçare, Antonia Lopez, nga Bari, humbi jetën pasi u plagos nga të shtënat me armë zjarri gjatë një debati të ndodhur mbrëmë në plazhin Bahia në Molfetta (Bari).

Tre veta kanë mbetur të plagosur.

Njëri është goditur me plumb në krahun e djathtë dhe ndodhet i shtruar në Poliklinikën e Barit.

Dy të tjerët, të plagosur lehtë, ndoshta do të lirohen po atë ditë.

Një nga të plagosurit është njëzet vjeçari Euxhenio (Eugenio) Palermiti, një bos aspirant që i përket familjes mafioze Japigia me të njëjtin emër.

Hetimet koordinohen nga prokuroria antimafia e Barit për përfshirjen e dyshuar të anëtarëve të një klani mafioz nga rrethi Japigia i Barit.

Znj. Antonia Lopez ishte mbesa e z. Ivan Lopez, i cili, vdiq në një pritë të kryer në bregdet në Bari, në rrethin e Shën Xhirolamos (San Girolamo), më 29 shtator të vitit 2021.

“Krimi u krye - sipas prokurorisë - nga njerëz që vepruan në në emër të klanit mafioz Kaprianti (Capriati) nga Bari i Vjetër (Bari Vecchia) dhe klanit Parisi-Palermiti nga rrethi Japigia, duke luftuar me klanin Strishulio (Strisciuglio) që dominonte Shën Palin (San Paolo) dhe Shën Xhirolamos (San Girolamo).

Në pritën e djeshme mbeti i plagosur edhe 20-vjeçari Euxhenio (Eugenio) Palermiti, një bos aspirant që i përket familjes mafioze Japigia me të njëjtin emër.

Marrëdhënia e viktimës 19-vjeçare me z. Ivan Lopez, plagosja e z. Euxhenio (Eugenio) Palermit dhe metodat mafioze të pritës bënë që DDA e Barit të koordinonte hetimet e karabinierëve, të besuara fillimisht në Prokurorinë e Tranit.

Z. Davide Lepore dhe z. Xhiovani (Giovanni) Didonna, 30 dhe 28 vjeç, po gjykohen për vrasjen e z. Ivan Lopez.

Të dy akuzohen për vrasje të rëndë të shumëfishtë në mënyrë të komplotit, me rrethanë rënduese të metodës mafioze.

31-vjeçari Ivan Lopez u vra me të paktën gjashtë të shtëna me armë zjarri teksa po udhëtonte në shtëpi me një skuter elektrik.

Z. Lepore, sipas prokurorëve, ishte autori i vrasjes, ndërsa z. Didonna ka ndihmuar në kryerjen e krimit duke vjedhur - rreth njëzet ditë më parë, në Polinjano (Polignano) - një Alfa Romeo Giulietta dhe një Fiat 500 L, që ishte përdorur më pas për të arritur viktimën pranë shtëpisë së tij.

Z. Lopez, sipas hetuesve, do të duhej vritej për hakmarrje, sepse së bashku me vëllain e tij Françeskon (Francesco), tan ii penduar dhe bashkëpunëtor i drejtësisë, kishin kryer zhvatje ndaj z. Lepore, pronar i disa garazheve në Bari dhe i afërt me klanin Kapriati (Capriati).

Vëllezërit Lopez, megjithatë, ishin anëtarë të klanit Strishulio (Strisciuglio).

Vrasja, sipas asaj që u rikonstruktua nga hetuesit, ndodhi në një kontekst fibrilacionesh dhe aksionesh kundër zjarrit, të cilat filluan në verën e vitit 2021, midis klanit Strushiliano (Strisciuglio) dhe klanit Parisi-Palermiti të Japigia-s.

“Ishte një moment. Ishte ora 2:45, nga fundi i mbrëmjes, kur këta djem arritën në klubin tim, dhe ndodhi tragjedia.

Asgjë e tillë nuk ka ndodhur kurrë në klubin tim”, tha z. Nikola Spadavekia (Nicola Spadavecchia).

“Unë nuk isha atje, isha në zyrën time - vijon sipërmarrësi - hyri ky grup dhe në një kohë shumë të shkurtër shpërtheu i gjithë ferri. Ndërhyri sigurimi por ishte vonë për vajzën”.

“Ajo që ndodhi këtë natë në Molfeta, jashtë Lido Baiha-s, me një përleshje të madhe që çoi në një të shtëna, na trishton dhe shqetëson.

Nuk mund të vdesësh në moshën 20 vjeçe dhe nuk mund të vdesësh kështu, pavarësisht nga arsyet, që të gjitha të pajustifikueshme, që janë pas historisë”, shkruan kryebashkiaku i Molfetës, Tomazo (Tommaso) Minervini.

“Jemi pranë dhimbjes që preku dashurinë e të resë. Unë besoj - thotë ai - në shpejtësinë dhe kapacitetin hetues të hetuesve për të rindërtuar dinamikën e ngjarjeve dhe për të identifikuar përgjegjësit. Mbi të gjitha, ne duhet të dimë pse ndodhi”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit