TURQI | U ARRESTUAN 115 AGJENTË TË SHTETIT ISLAMIK (ISIS) QË PO PLANIFIKONIN SULME PËR KRISHTLINDJE DHE VIT TË RI KUNDËR QYTETARËVE JO-MYSLIMANË.

Ankara, Stamboll | “Njësitë turke kundër terrorizmit arrestuan 115 të dyshuar për lidhje me shtetin Islamik (ISIS), të cilët, po planifikonin sulme kundër jomuslimanëve gjatë festimeve të Krishtlindjeve dhe Vitit të Ri”.

Kështu njoftoi Zyra e Prokurorit Publik të Stambollit.

Operacionet e njëkohshme u kryen në të gjithë Stambollin nga Dega Kundër Terrorizmit e Departamentit të Policisë me udhëzime nga Byroja e Hetimit të Krimeve Terroriste të Zyrës së Prokurorit.

Urdhëra arresti ishin lëshuar për 137 të dyshuar në nivel kombëtar dhe ndërkombëtar me akuza për terrorizëm.

Nga këta, 115 u arrestuan, ndërsa operacionet vazhdojnë për të gjetur të dyshuarit e mbetur.

Arrestimet masiv vinë mes masave të shtuara të sigurisë në të gjithë Turqinë përpara festimeve të Vitit të Ri.

Deklaratë nga Zyra e Kryeprokurorit Publik të Stambollit | Brenda hetimeve të kryera nga Dega Kundër Terrorizmit e Departamentit të Policisë së Stambollit, sipas udhëzimeve të Byrosë sonë të Hetimit të Krimeve Terroriste.

Operacione të njëkohshme ndalimi, kontrolli dhe sekuestrimi u kryen në 124 adresa të ndryshme në të gjithë provincën tonë në lidhje me 137 të dyshuar për të cilët u zbulua se kishin informacione në lidhje me thirrjet për veprim dhe planet e sulmit që synonin vendin tonë, kryesisht individë jo-muslimanë, brenda fushëveprimit të aktiviteteve të afërta të Krishtlindjeve dhe Vitit të Ri të organizatës terroriste të armatosur ISIS, dhe të cilët kuptohej se ishin të lidhur me zonat e konfliktit brenda fushëveprimit të aktiviteteve të organizatës terroriste, dhe për disa prej të cilëve ishin lëshuar urdhër-arreste në nivel kombëtar dhe ndërkombëtar për krime terrorizmi.

Si rezultat, u sekuestruan pistoleta, fishekë dhe shumë dokumente organizative.

Nga të dyshuarit, 115 janë ndaluar dhe operacionet në lidhje me të dyshuarit që nuk mundën të arrestoheshin janë ende duke vazhduar.

Informacione të mëtejshme do të ofrohen mbi zhvillimet.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit