TURQI (TÜRKIYE) | MINISTRI I TRANSPORTIT ABDULKADIR URALOGLU: NJË CISTERNË NAFTE U SULMUA NË DETIN E ZI; KISHTE NGARKUAR NAFTË BRUTO NGA RUSIA.

Ankara, Turqi (Türkiye) | “Një cisternë nafte e operuar nga një kompani turke u sulmua këtë mëngjes në Detin e Zi, me shumë mundësi nga një automjet sipërfaqësor pa pilot”.

Kështu tha Ministri turk i Transportit Abdulkadir Uraloglu.

“Një anije me flamur të huaj, e operuar nga një kompani turke, e cila, kishte ngarkuar naftë bruto nga Rusia, raportoi një shpërthim në dhomën e motorëve pas mesnatës në qendrën tonë të urgjencës”, tha Ministri në një intervistë televizive.

“Ne besojmë se dhoma e motorëve ishte në shënjestër specifike. Ne besojmë se sulmi nuk është kryer nga një dron, por nga një automjet sipërfaqësor pa pilot në nivelin e ujit”, tha Ministri Uraloglu gjatë një transmetimi të drejtpërdrejtë në entin mediatik turk “24TV”.

“Ministri i Transportit shpjegoi se cisterena u godit pranë Stambollit, duke shtuar se 27 anëtarët e ekuipazhit mbetën të padëmtuar”.

Kështu raportoi agjencia turke e lajmeve “Anadolu”.

Sipas ministrit në fjalë, agjencitë përkatëse të zbatimit të ligjit janë dërguar në vendngjarje dhe situata vazhdon të monitorohet nga afër.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit