TRONDITJE E MADHE NË SKENËN POLITIKE NË SLLOVENI | KRYEMINISTRI LIBERAL ROBERT GOLUB PARASHTROI PLAN BOMBË PËR MBAJTJE REFERENDUMI PËR QËNDRIMIN OSE JO NË NATO.

Lubjanë, Slloveni | Kryeministri liberal i Sllovenisë, Robert Golob, është nën kritika si nga miqtë politikë, ashtu edhe nga armiqtë, pasi njoftoi planet për një referendum për anëtarësim në NATO.

Javën e kaluar, parlamenti i Lubjanës votoi në favor të një propozimi nga “Levica”, një partner i koalicionit të krahut të majtë të z. Golub, për të mbajtur një referendum konsultativ mbi rritjen e shpenzimeve të mbrojtjes në 3% të produktit të brendshëm bruto deri në vitin 2030.

Partia e Lirisë e z. Golub votoi kundër propozimit pasi kryeministri nënshkroi objektivin e NATO-s prej 5% deri në vitin 2030 në Hagë muajin e kaluar.

Megjithatë, përçarja në qeveri u vu në dukje më tej pasi Social Demokratët e qendrës së majtë të koalicionit u rreshtuan me opozitën dhe mbështetën planin e referendumit.

Z. Golob i pakënaqur ngriti më pas idenë që Sllovenia duhet të mbajë një referendum tjetër, nëse duhet të jetë anëtare e NATO-s, të cilës, iu bashkua në vitin 2004.

“Ekzistojnë vetëm dy rrugë të mundshme: ose të mbetemi në aleancë dhe të paguajmë tarifën e anëtarësimit, ose të largohemi nga aleanca. Çdo gjë tjetër është mashtrim populist i qytetarëve”, tha z. Golob në një deklaratë.

Presidenti i ShBA-ës, Danlld Tramp (Donald Trump), u ka bërë thirrje aleatëve evropianë të shpenzojnë miliarda dollarë më shumë për mbrojtjen, ndërsa ka lënë të kuptohet se ushtria amerikane mund të mos i mbrojë ata që kanë mbetur prapa në shpenzime nëse Rusia sulmon ndonjëherë kontinentin.

Sllovenia është një nga vendet e prapambetura të NATO-s për sa i përket shpenzimeve të mbrojtjes, me vetëm 1.29% të PBB-së së saj, dhe vazhdimisht ka dështuar të përmbushë objektivin e mëparshëm të aleancës ushtarake prej 2%.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit