TIRANË | MINISTRI I MBROJTJES I REPUBLIKËS SË SHQIPËRISË ERMAL NUFI PRITI NË TAKIM SHEFIN E SHTABIT TË FORCAVE TË ARMATOSURA TË REPUBLIKËS SË ITALISË GJENERALIN LUÇIANO (LUCIANO) PORTOLANO.

Tiranë, Shqipëri | Ministri i Mbrojtjes, i Republikës së Shqipërisë, Ermal Nufi, priti në takim Shefin e Shtabit të Forcave të Armatosura të Republikës së Italisë, Gjeneralin Luçiano (Luciano) Portolano, ku u rikonfirmua niveli i shkëlqyer i marrëdhënieve mes dy vendeve.

Gjatë takimit, u vlerësua bashkëpunimi i deritanishëm dypalësh në fushën e mbrojtjes, i ndërtuar mbi besim dhe partneritet të qëndrueshëm, si një element kyç për sigurinë dhe stabilitetin në rajon.

Ministri i Mbrojtjes Nufi theksoi angazhimin për thellimin e mëtejshëm të bashkëpunimit, veçanërisht në rritjen e kapaciteteve ushtarake, zhvillimin e burimeve njerëzore dhe koordinimin në kuadër të angazhimeve të përbashkëta ndërkombëtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit