TIRANË | KUVENDI I REPUBLIKËS SË SHQIPËRISË MIRATOI PROJEKTREZOLUTËN ME OBJEKT: “PËR PROCESIN E ANËTARËSIMIT TË REPUBLIKËS SË SHQIPËRISË NË BASHKIMIN EVROPIAN”.

Tiranë, Shqipëri | Kuvendi i Republikës së Shqipërisë miratoi sot me 114 vota pro dhe 1 abstenim projektrezolutën me objekt:

1- “Për procesin e anëtarësimit të Republikës së Shqipërisë në Bashkimin Evropian”.

Shumica dhe pakica politike bashkuan votat në Kuvend për të miratuar projektrezolutën për procesin e integrimit evropian të vendit.

Deputeti i Partisë Demokratike të Shqipërisë Bujar Leskaj mbajti qëndrim abstenues.

Rezoluta parashikon bashkëpunim gjithëpërfshirës dhe angazhim të përbashkët për avancimin e procesit të anëtarësimit të Shqipërisë në Bashkimin Evropian.

Rezoluta thekson nevojën për dialog politik dhe shoqëror gjithëpërfshirës, me synim garantimin e një konsensusi kombëtar mbi prioritetet europiane.

Kuvendi i Republikës së Shqipërisë angazhohet të forcojë në tërësi dhe në mënyrë të drejtpërdrejtë rolin e tij në përshpejtimin e procesit të anëtarësimit të Republikës së Shqipërisë në Bashkimin Evropian.

Shumica politike angazhohet të sigurojë kushtet për pjesëmarrjen e plotë të opozitës në veprimtarinë parlamentare, të respektojë kërkesat e saj në përputhje me standardet demokratike, me Kushtetutën dhe Rregulloren e Kuvendit.

Pakica politike angazhohet të sigurojë pjesëmarrje të plotë në veprimtarinë parlamentare në përputhje me standardet demokratike, me Kushtetutën dhe Rregulloren e Kuvendit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit