TIRANË | GJYKATA E POSAÇME E APELIT LA NË FUQI MASËN E DËNIMIT PENAL ME 1 VIT BURG PËR KRYETARIN E BASHKISË SË RROGOZHINËS EDISON MEMOLLA; TASHMË I DUHET TË SHLYEJË DËNIMIN PENAL.

Agjencia Telegrafike Vox
2 hours ago
2 min read

Tiranë, Shqipëri | Gjykata e Posaçme e Apelit la në fuqi masën e dënimit penal me një vit heqje lirie ndaj:

1- Z. Edison Memolla, Kryetar i Bashkisë së Rrogozhinës, përfaqësues i subjektit politik pushtet-mbajtës Partia Socialiste e Shqipërisë.

Tashmë, ai do të duhet të shlyejë dënimin penal që ka marrë formë të prerë.

Akuza penale zyrtare e ngritur ndaj tij ishte ajo e:

1- “Korrupsionit aktiv në zgjedhje”.

Ai u filmua në kohën kur ishte kandidat për kryetar bashkie në Rrogozhinë, duke ndikuar tek një punonjës i OSHEE-së, për të mos i ndërprerë energjinë elektrike një subjekti debitor.

Prokurori i Posaçëm Edvin Kondili gjatë zhvillimit të seancave gjyqësore u shpreh se gjithë kjo bëhej me qëllim që qytetari të votonte në favor të tij në zgjedhjet e pjesshme vendore të datës 6 mars 2022.

Si dënim plotësues ai ka edhe ndalimin për të ushtruar funksione publike për pesë (5) vjet.

Kush është z. Edison Memolla?

Ai ka shërbyer si Kryetar i Forumit Rinor të Partisë Socialiste (FRESSh) në Rrogozhinë nga viti 2004 deri në vitin 2008.

Përpara ngjitjes së tij politike, ai ishte Drejtor Ekzekutiv i “Memolla Group srl” në Itali, duke menaxhuar projekte të ndryshme ndërtimi dhe restaurimi.

Ai zotëron një diplomë Bachelor në Histori dhe Gjeografi dhe një diplomë Master në arsim fillor nga Universiteti “Aleksandër Xhuvani” - në Elbasan.

Përtej çështjes së korrupsionit zgjedhor, ai është hetuar për:

1- Fondet e rindërtimit: Dyshime për abuzim në lidhje me fondet e kompensimit për tërmetin e vitit 2019.

2- Pastrim parash: Raportime për hetime të mundshme të pronave dhe pastrimit të parave që përfshijnë bashkëpunim ndërkombëtar me autoritetet italiane.

3- Punësim fiktiv: Pyetje në lidhje me punësime të dyshuara fiktive në bashki ku individë dyshohet se kanë marrë paga ndërsa jetonin jashtë vendit.

Nga z. Erton Duka.

Ne të njohim me botën | www.007vox.com | Burimi yt i informacionit