SULLTANATI I OMANIT | ZYRTARËT AMERIKANË U TAKUAN ME PËRFAQËSUESIT E REBELËVE HUTHI.

Muskat, Sulltanati i Omanit | “Zyrtarët amerikanë u takuan me përfaqësues të rebelëve Huthi të Jemenit në Oman gjatë fundjavës”.

Kështu raportoi agjencia kanadeze e lajmeve Rojtërs (Reuters), duke cituar pesë burime me njohuri për çështjen.

Takimi, i cili nuk u njoftua zyrtarisht për entet mediatike, u zhvillua në Ambasadën e ShBA-ës në Muskat.

Dy burime thanë se qeveria e Omanit, e cila ka vepruar si ndërmjetëse rajonale për vite me radhë, ndihmoi në organizimin e takimit.

Administrata amerikane e presidentit Tramp (Trump) i përcaktoi Huthitë organizatë terroriste të huaj në muajin mars të vitit 2025, duke e bërë vepër penale ofrimin e mbështetjes për organizatën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit