STOLTENBERG: SITUATË E VËSHTIRË NË TERREN POR NE DUHET TË MBËSHTESIM KIEVIN PËR NJË PAQE TË DREJTË.

Bruksel, Belgjikë | Situata në fushën e betejës në Ukrainë është jashtëzakonisht e vështirë, por NATO dhe aleatët e saj duhet të qëndrojnë pranë Kievit, për të rënë dakord për një paqe të drejtë.

Sekretari i përgjithshëm i NATO-s tha se ishte optimist, duke kujtuar se objektivi për të pushtuar Ukrainën kishte dështuar.

“Ndodhi e kundërta. Rusia u zmbraps”, tha ai, duke kujtuar fitoret në terren të ushtrisë së Kievit.

“Gjëja më e rëndësishme është që Ukraina mbijetoi si një komb sovran dhe i pavarur, dhe Rusia nuk mori atë që donte, që ishte kontrolli i Ukrainës”, shtoi ai më pas.

“Ukraina dhe populli ukrainas nuk kanë pasur kurrë më pak besim në Rusi, sesa sot, dhe ata duan të jenë pjesë e Perëndimit, Bashkimit Evropian, dhe NATO-s”, tha sekretari Stoltenberg.

“Kjo është një humbje e madhe për Rusinë. Ne duhet të mbështesim ukrainasit, dhe jam gjithashtu mjaft i bindur se aleatët e NATO-s do të vazhdojnë të ofrojnë mbështetjen e tyre, sepse mbështetja për Ukrainën nuk është bamirësi. Mbështetja për Ukrainën është një investim në sigurinë tonë. Ne vetëm duhet të qëndrojmë në krah të Ukrainës. Në një moment, Rusia do të kuptojë se po paguan një çmim shumë të lartë, dhe do të ulet për të rënë dakord, për një paqe të drejtë”, përfundoi sekretari Stoltenberg.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit