SIRIA DHE LIBANI NËNSHKRUAN MARRËVESHJE PËR RIATDHESIMIN E DISA QINDRA TË BURGOSURVE SIRIANË.

Bejrut, Liban | “Qeveritë libaneze dhe siriane nënshkruan një marrëveshje në Bejrut për transferimin e afërsisht 300 të burgosurve sirianë që janë mbajtur prej vitesh në burgje të mbipopulluara libaneze”.

Kështu raportuan entet mediatike të vendeve përkatëse.

Marrëveshja është pjesë e afrimit gradual midis Sirisë dhe Libanit, pas dekadash ndërhyrjesh nga ana e Damaskut në punët e brendshme të Libanit dhe periudhave të njëpasnjëshme të tensionit të lartë dypalësh.

Shpërbërja e regjimit të Damaskut në dhjetor 2024 dhe instalimi i një qeverie të re të udhëhequr nga udhëheqësi sirian Ahmad Sharaa, e mbështetur nga Turqia dhe Shtetet e Bashkuara të Amerikës, kanë rihapur kanalet e dialogut midis dy vendeve për disa çështje, duke filluar me sistemin gjyqësor.

Sipas vlerësimeve zyrtare, afërsisht një e treta e popullsisë së burgjeve të Libanit është siriane.

Përafërsisht 2500 qytetarë sirianë mbeten të ndaluar në burgjet e Libanit, shumë prej të cilëve kanë pritur gjyqin për vite me radhë, në një sistem burgjesh që ka qenë prej kohësh nën presion nga mbipopullimi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit