SIPAS RAPORTIMEVE TË MEDIAVE IZRAELITE SHUMË PALESTINEZË SULMUAN NJË QENDËR TË RE SHPËRNDARJEJE USHQIMORE NË RAFAH | ME SA DUKET KA TË VDEKUR DHE TË PLAGOSUR.

Palestinezët sigurojnë kuti me ushqim dhe ndihma humanitare të dërguara nga Fondacioni Humanitar i Gazës.

Gazë | Një fondacion i mbështetur nga Izraeli dhe ShBA-ës ka filluar shpërndarjen e ndihmave në Rripin e Gazës.

Megjithatë, thuhet se kanë ndodhur skena kaotike.

Sipas raportimeve të mediave izraelite, shumë palestinezë sulmuan qendrën e shpërndarjes së ushqimit në Rripin jugor të Gazës.

“Punonjësit e një kompanie amerikane u tërhoqën përkohësisht për shkak të kaosit”, raportoi portali izraelit i lajmeve Ynet.

Rojet amerikane qëlluan me të shtëna paralajmëruese.

Punonjësit palestinezë të shpëtimit raportuan më vonë se tre persona u vranë dhe dhjetëra të tjerë u plagosën nga të shtënat me armë zjarri të ushtrisë izraelite pranë qendrës në Rafah.

Një zëdhënës i ushtrisë izraelite tha se raporti po hetohej.

Duke pasur parasysh bllokadën disamujore të furnizimeve me ndihma nga Izraeli, e cila, u lehtësua disi vetëm kohët e fundit, shumë njerëz në rripin bregdetar të kontestuar janë në një situatë të dëshpëruar.

Pati raportime për plaçkitje gjatë sulmit ndaj qendrës së shpërndarjes.

Fondacioni Humanitar i Gazës (GHF), i cili, u themelua rishtazi disa muaj më parë, tha se, duke pasur parasysh fluksin e madh të njerëzve, ekipi i GHF-së ishte tërhequr në disa pika për të lejuar një numër të vogël banorësh të Gazës të mblidhnin në mënyrë të sigurt furnizimet me ndihma dhe të shpërndaheshin përsëri.

Ekipi ndoqi protokollin e sigurisë për të parandaluar viktimat. Puna normale tani ka rifilluar.

Pas incidentit, zyra e medias e Hamasit tha se mekanizmi i shpërndarjes së ndihmës i iniciuar nga Izraeli ishte një dështim total.

Një turmë njerëzish përpara qendrës.

Palestinezët marrin me vete kuti me ushqim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit