SHTABI I PËRGJITHSHËM I UKRAINËS: PO TËRHIQEMI NGA SIVERSKU PËR TË SHPËTUAR JETËN E USHTARËVE TANË.

Kiev, Ukrainë | “Trupat ukrainase janë tërhequr nga Siversku, në rajonin e Donetskut. Vendimi u mor për të shpëtuar jetën e ushtarakëve”.

Kështu njoftoi Shtabi i Përgjithshëm i Forcave të Armatosura të Ukrainës në platformën sociale “Telegram”.

“Luftime të ashpra po vazhdojnë në zonë dhe rusët kanë një avantazh të konsiderueshëm në pajisje dhe personel, duke vazhduar përpjekjet e tyre ofensive pavarësisht humbjeve të konsiderueshme.

Për të ruajtur jetën e ushtarakëve tanë dhe aftësinë luftarake të njësive të tyre, mbrojtësit ukrainas u tërhoqën nga vendbanimi.

Forcat Mbrojtëse të Ukrainës e rraskapitën armikun gjatë betejave për Siverskun; çdo metër katror i qytetit iu dorëzua armikut me një çmim të lartë”, tha Shtabi i Përgjithshëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit