SHPËRTHIM NË NJË APARTAMENT NË TORINO | NJË I VDEKUR (JACOPO PERETTI) + PESË TË PLAGOSUR.

Torino, Itali | Zjarrfikësit e Torinos ndërhynë gjatë natës, rreth orës 3:15 të mëngjesit, në rrugën Nixa (Via Nizza) 389, për shkak të një shpërthimi që ndodhi në një apartament dhe zjarrit që pasoi, i cili, përfshiu edhe njësi të tjera banimi.

Sipas komandës provinciale, numri i të vdekurve është një (z. Jacopo Peretti) dhe i të plagosurve pesë (tre të rritur dhe dy fëmijë, njëri prej të cilëve, 12 vjeç, pësoi djegie të rënda).

Zjarrfikësit gjetën një person të vdekur në një dhomë në ndërtesën ku ndodhi shpërthimi. Kjo u raportua nga vetë zjarrfikësit.

Sipas burimeve spitalore, në fëmijë është shtruar në spital me një prognozë të rezervuar, i qetësuar, në njësinë e kujdesit intensiv të spitalit të fëmijëve Regina Margherita, me djegie në 30% të sipërfaqes së trupit.

Një vajzë gjashtëvjeçare, e përfshirë në incident, u transportua gjithashtu në të njëjtin spital.

Ajo është në gjendje të mirë shëndetësore, por mbetet nën vëzhgim si masë paraprake.

Sa i përket tre të rriturve të shpëtuar, dy burra pësuan lëndime të lehta, ndërsa një grua është liruar tashmë nga spitali.

Sipas punonjësve të shpëtimit, zjarri - i cili shpërtheu pas një shpërthimi, shkaqet e të cilit, ende po përcaktohen - u zhvillua në një papafingo në katin e sipërm të një ndërtese.

Përveç papafingos, u përfshinë edhe dy apartamente. Çatia e ndërtesës u shemb.

Një person i raportuar fillimisht i zhdukur dhe banues në ndërtesë, më vonë u zbulua se nuk ishte i pranishëm në kohën e shpërthimit.

Disa mbeturina të rëna dëmtuan disa makina të parkuara në rrugë. Departamenti i zjarrfikësve ndërhyri me tetë ekipe.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit