SHBA-ës | DEPARTAMENTI I SHTETIT: I MOHOHET VIZA PËR ASAMBLENË E PËRGJITHSHME TË OKB-së PRESIDENTIT TË AUTORITETIT PALESTINEZ MAHMUD (MAHMOUD ABBAS; MBËSHTET TERRORIZMIN.

Uashington, Amerikë | Departamenti amerikan i Shtetit njoftoi se do të zgjerojë sanksionet e vizave ndaj zyrtarëve të Autoritetit Palestinez (PA) dhe anëtarëve të Organizatës për Çlirimin e Palestinës (PLO), përpara Asamblesë së Përgjithshme të OKB-së që do të mbahet së shpejti.

Ky është viti i dytë që presidenti i Autoritetit Palestinez, Mahmud (Mahmoud Abbas dhe disa palestinezë nuk do të lejohen të marrin pjesë në takimin e udhëheqësve botërorë, ku disa aleatë të ShBA-ës e kanë njohur shtetin palestinez.

“Si rezultat i pamundësisë së tyre për të zbatuar reformat, në kundërshtim me angazhimet që kanë bërë ndaj Shteteve të Bashkuara, dhe aktiviteteve të tyre të vazhdueshme që dëmtojnë perspektivat për paqe, Shtetet e Bashkuara do të zgjerojnë sanksionet e tyre duke ndaluar dhënien e vizave për anëtarët e OÇP-së dhe zyrtarët e Autoritetit Palestinez”.

Kështu tha Departamenti i Shtetit në një njoftim për shtyp.

Në deklaratën e tij, Departamenti i Shtetit akuzoi Autoritetin Palestinez dhe Organizatën për Çlirimin e Palestinës (PLO) për ndërmarrjen e veprimeve që synojnë ndërkombëtarizimin e konfliktit izraelito-palestinez, duke përfshirë edhe përmes Gjykatës Ndërkombëtare Penale dhe Gjykatës Ndërkombëtare të Drejtësisë dhe për kërkimin e njohjes së njëanshme të një shteti palestinez.

Departamenti i Shtetit gjithashtu i akuzoi këto organizata për mbështetje të terroristëve.

Sipas Marrëveshjes së Selisë së OKB-së të vitit 1947, ShBA-ës në përgjithësi duhet t'u lejojnë diplomatëve të huaj qasje në OKB, në Jorkun e Ri.

Megjithatë, Uashingtoni ka thënë se mund t’u refuzojë vizat për arsye sigurie, ekstremizmi dhe politike të jashtme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit