SEKRETARI I SHTETIT I SHBA-ës MARKO (MARCO) RUBIO: TË DYJA PALËT DUHET TË PRANOJNË KUSHTE TË VËSHTIRA PËR PLANIN E PAQES PËR LUFTËN RUSO-UKRAINASE.

Uashington, Amerikë | Sekretari i Shtetit i ShBA-ës, Marko (Marco) Rubio, foli në rrjetin social virtual Iks (X) rreth planit të paqes në Ukrainë, duke thënë se është e nevojshme që të dyja palët të pranojnë lëshime të vështira, por të domosdoshme.

“Përfundimi i një lufte komplekse dhe vdekjeprurëse si ajo në Ukrainë kërkon një shkëmbim të gjerë idesh serioze dhe realiste”, tha Sekretari Rubio.

“Dhe arritja e një paqeje të qëndrueshme do të kërkojë që të dyja palët të pranojnë lëshime të vështira, por të domosdoshme.

Kjo është arsyeja pse ne po zhvillojmë dhe do të vazhdojmë të zhvillojmë një listë idesh të mundshme për t'i dhënë fund kësaj lufte, bazuar në kontributin e të dyja palëve të përfshira në konflikt”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit