SEKRETARI I PËRGJITHSHËM I OKB-së ANTONIO GUTERRES: LYPET HETIM I MENJËHERSHËM PËR PALESTINEZËT E VRARË NË GAZA; IZRAELI KA DETYRIME TË QARTA PËR TË LEHTËSUAR NDIHMËN HUMANITARE.

Jorku i Ri, Amerikë | “Jam i tronditur nga raportet për palestinezët e vrarë dhe të plagosur dje, ndërsa kërkonin ndihmë në Gaza.

Është e papranueshme që ata po rrezikojnë jetën e tyre për të siguruar ushqim.

Bëj thirrje për një hetim të menjëhershëm dhe të pavarur për këto ngjarje dhe që ata që janë përgjegjës të mbahen përgjegjës”.

Kështu tha Sekretari i Përgjithshëm i OKB-së, Antonio Guterres.

“Izraeli ka detyrime të qarta sipas ligjit ndërkombëtar humanitar për të pranuar dhe lehtësuar ndihmën”, tha ai.

“Qasja e pakufizuar e ndihmës në shkallë të gjerë për të përmbushur nevojat e jashtëzakonshme në Gaza duhet të rivendoset menjëherë.

OKB-ja duhet të jetë në gjendje të veprojë në siguri”, tha ai më tej në fjalën e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit