RRUGA “SKËNDERBEU”; GJAKOVË | LIRODON PODRIMJA U ARRESTUA; KANOSJE E PUNONJËSVE TË POLICISË NË KRYE TË DETYRËS ME ARMË ZJARRI DHE GRANATË; TRE VEPRA PENALE.

Rruga “Skënderbeu”, Gjakovë, Republika e Kosovës | Strukturat vendore të Policisë arrestuan:

1- Lirodon Podrimja, me moshë 37 vjeç.

Ai konsiderohet i përfshirë në kanosje ndaj punonjësve të Policisë në krye të detyrës; gjatë udhëtimit me automjet ai u ndalua për kontroll rutinë por i kanosi me armë zjarri dhe me granatë dore; më pas, u arratis nga vendi i ngjarjes, por, u dorëzua më vonë në stacionin policor.

Gjatë kontrollit në banesë u gjet dhe u sekuestrua në cilësinë e provës materiale me karakter kompromentues penal:

1- Municion luftarak (disa fishekë).

2- Disa gramë hashash.

3- Disa peshore digjitale.

4- Një mulli.

Ndaj tij filluan hetimet penale paraprake për shkelje penale të parashikuar si:

1- “Kanosje”.

2- “Mbajtje në pronësi, kontroll ose posedim të paautorizuar të armëve”.

3- “Posedim i paautorizuar i narkotikëve, substancave psikotrope ose analoge”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit