RRUGA “MUSLI ÇELIKU”; FERIZAJ | ARLEND BAJRAMI U PROCEDUA PENALISHT PËR DY VEPRA PENALE.

Rruga “Musli Çeliku”, Ferizaj, Republika e Kosovës | Strukturat vendore të Policisë shoqëruan për intervistim:

1- Z. Arlend Bajrami.

Objekti i intervistimit të tij lidhej me të shtënat me armë zjarri të orës 16:35.

Gjatë intervistimit ai pranoi se kishte shtënë me armë zjarri në kuadër të një feste familjare duke përdorur një armë zjarri të shkurtër (brezi) - e tipit “Eklon-Special”, e kalibrit 9 milimetra.

Në cilësinë e provës materiale me karakter kompromentues penal u sekuestruan:

1- Arma e zjarrit.

2- 13 gëzhoja.

Ndaj tij filluan hetimet penale paraprake në gjendje të lirë për shkelje penale të parashikuar si:

1- “Mbajtja në pronësi, kontroll ose posedim i paautorizuar i armëve”.

2- “Përdorim i armës apo mjetit të rrezikshëm”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit