ROMË | PRESIDENTJA E KOMISIONIT EVROPIAN URSULA VON DER LEIEN (LEYEN): FOND EVROPIAN 10 MILIARDË € PËR UKRAINËN; FONDI MË I MADH NË BOTË I BAZUAR NË KAPITAL PËR RINDËRTIM.

Romë, Itali | “Garancitë dhe grantet që po nënshkruajmë sot do të zhbllokojnë mbi 10 miliardë euro në investime në rindërtim.

Ne gjithashtu do të sigurohemi që Ukraina të vazhdojë të përfitojë nga mbështetja deri në vitin 2028 dhe më tej, kur të hyjë në fuqi buxheti i ri evropian.

Jam veçanërisht e kënaqur të njoftoj Fondin Evropian për Rindërtim për Ukrainën, fondi më i madh i kapitalit në botë që mbështet rindërtimin”.

Presidentja e Komisionit Evropian, Ursula von der Leien (Leyen), e tha këtë gjatë një fjalimi në konferencën e Romës mbi rindërtimin e Ukrainës.

“Sot mblidhemi në këtë qytet të përjetshëm për të demonstruar angazhimin tonë të pakushtëzuar ndaj Ukrainës. Vendosmëria jonë është e patundur, mbështetja jonë e palëkundur.

Sepse ne do të qëndrojmë gjithmonë pranë Ukrainës, për aq kohë sa të duhet. Tani më shumë se kurrë, Ukraina mund të mbështetet te Evropa.

Solidariteti ynë vazhdon në të gjitha frontet: ushtarak, financiar dhe politik”, shtoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit