REPUBLIKA POPULLORE E KINËS BLLOKOI EKSPORTET E KARBURANTIT.

Pekin, Republika Popullore e Kinës | “Pekini u ka kërkuar rafinerive të mëdha vendase që të pezullojnë menjëherë eksportet e naftës dhe benzinës”.

Kështu raportoi agjencia amerikane e lajmeve “Bloomberg” - për shkak të shqetësimeve në rritje në lidhje me mungesat e mundshme të furnizimit që rrjedhin nga lufta në Lindjen e Mesme.

Bllokada e transportit detar në Ngushticën strategjike të Hormuzit, e cila, lidh Oqeanin Indian me Gjirin, kërcënon drejtpërdrejt furnizimin me energji të Kinës, i cili, mbështetet shumë në naftën bruto nga rajoni.

Sipas firmës analitike “Kpler”, Lindja e Mesme përbënte afërsisht 57% të importeve të drejtpërdrejta të naftës bruto të Republikës Popullore të Kinës me transport detar në vitin 2025.

Zyrtarë nga Komisioni Kombëtar i Zhvillimit dhe Reformës (NDRC), organi më i lartë i planifikimit ekonomik të Kinës, u takuan me përfaqësues të rafinerëve dhe kërkuan verbalisht një pezullim të përkohshëm të dërgesave të produkteve të rafinuara, me efekt të menjëhershëm.

Agjencia amerikane e lajmeve “Bloomberg” raportoi se rafinerëve iu kërkua të ndalonin nënshkrimin e kontratave të reja dhe të negocionin anulimin e dërgesave të dakordësuara më parë.

Ndër kompanitë e përfshira janë PetroChina, Sinopec, CNOOC, Sinochem Group dhe rafineria private Zhejiang Petrochemical, të gjitha të mësuara me marrjen e kuotave të eksportit të karburantit nga qeveria kineze.

Iniciativa pasqyron urgjencën e Pekinit në mbrojtjen e rezervave të tij strategjike të energjisë përballë paqëndrueshmërisë gjeopolitike në një nga rrugët më kritike të transportit në botë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit