REPUBLIKA FEDERALE E GJERMANISË | POLICIA E MYNIHUT GJETI LETËR QË PËRMBANTE KËRCËNIM KUNDËR OKTOBERFEST-it; PO HETOHET ANTIFA.

Berlin, Republika Federale e Gjermanisë | Policia e Mynihut gjeti një letër që përmbante një kërcënim kundër Oktoberfest-it.

Festivali mund të jetë i mbyllur gjatë gjithë ditës.

Enti mediatik gjerman “Bild” raporton se kryetari i bashkisë së Mynihut, Dieter Reiter, e lidhi mbylljen me shpërthimin e mëngjesit të sotëm në pjesën veriore të qytetit.

Policia ka njoftuar se po heton gjithashtu një lidhje të mundshme me Antifën.

Një tekst i titulluar “Antifa do të thotë sulm” u botua herët këtë mëngjes në faqen e internetit të ekstremit të majtë indymedia.org

Teksti, i botuar nga Antifa dhe i raportuar nga enti mediatik “Bild”, thotë se:

1- “Në orët e para të mëngjesit, ne i vumë flakën disa makinave luksoze në pjesën veriore të Mynihut dhe bëmë vizita nëpër shtëpi.

Për më tepër, shëtitja e mëngjesit e një fashisti nuk përfundoi veçanërisht mirë”.

Një zëdhënës i policisë tha se policia ishte në dijeni të situatës dhe, si me të gjitha pistat e tjera, po hetonte një lidhje të mundshme.

Herët këtë mëngjes, disa shpërthime në lagjen Lerchenau shkaktuan një operacion të madh nga zjarrfikësit dhe policia.

Një furgon i djegur u gjet në një zonë banimi të Mynihut; një person i plagosur rëndë vdiq menjëherë pasi u gjet në liqenin Lerchenau.

Policia gjeti kurthe me bomba në një shtëpi që me sa duket ishte djegur qëllimisht.

Sipas informacionit aktual, një mosmarrëveshje familjare i parapriu incidentit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit