RAPORTI I OKB-SË PËR VENEZUELËN: 158 TË MITUR TË AKUZUAR PËR TERRORIZËM NDAJ TË CILËVE JANË USHTRUAR TORTURA DHE KRYER KRIME KUNDËR NJERËZIMIT.

Uashington, Amerikë | Misioni i pavarur ndërkombëtar për gjetjen e fakteve, i mandatuar nga Organizata e Kombeve të Bashkuara (OKB), paraqiti raportin e saj të fundit në Këshillin e OKB-së për të Drejtat e Njeriut, në të cilin konfirmoi ndalimin e 158 fëmijëve në kontekstin e protestave paszgjedhore, pas zgjedhjeve të diskutueshme presidenciale të 28 korrikut 2024.

Presidentja e Misionit, Marta Valiñas, tha se shkeljet e dokumentuara përfaqësojnë vetëm një shembull të një universi shumë më të madh.

“Shkelje të tilla - thuhet në raport - janë rezultat i një plani të krijuar për të heshtur opozitën politike ndaj Maduros dhe disa prej tyre përfaqësojnë krime kundër njerëzimit”.

Raporti dokumentoi qindra ndalime arbitrare dhe dhjetëra raste të zhdukjes me forcë.

Për më tepër, misioni identifikoi një sërë metodash torture të përdorura nga forcat e sigurisë ose shërbimet e inteligjencës, të tilla si grushtat, rrahje me dërrasa druri ose shkopinj, goditje elektrike, mbytje me qese plastike, zhytje në ujë të ftohtë dhe privim gjumi i detyruar.

Reagimi i qeverisë së diktatorit çavisto-komunist Nikolas (Nicolás) Maduro ishte i menjëhershëm dhe, përmes ministrit të saj të Jashtëm, Ivan (Yván) Gil Pinto, e përkufizoi raportin si një pamflet vulgar të shkruar nga një mision i paligjshëm dhe ideologjik.

Sipas ministrit Gil Pinto, misioni ka objektivin e vetëm për të zbatuar urdhrat e Uashingtonit për të zbatuar politikën amerikane të ndryshimit të regjimit kundër qeverisë legjitime të Venezuelës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit