QË NGA FILLIMI I LUFTËS NË UKRAINË RRËFIMTARITË (NARRATIVAT) RUSE TË RREME JANË SHFAQUR NË MBI 500 PORTALE DUKE PËRDORUR INTELIGJENCË ARTIFICIALE.

Kiev, Ukrainë | Tre vjet pas pushtimit rus të Ukrainës dhe me 302 lajme të rreme për luftën e përhapur në mbi 500 faqe, pjesa e përmbajtjes false të krijuar nga inteligjenca artificiale është rritur ndjeshëm.

Një fotografi është tërhequr nga NewsGuard, platforma që monitoron dezinformatat dhe ka një bazë të dhënash të quajtur Shenjat e Gishtave të Keqinformimit: ajo bashkon rrëfimtaritë (narrativat) e rreme virale që analistët kanë identifikuar dhe debutuar.

“Në muajt e parë të luftës, propaganda ruse u përqendrua në përhapjen e nazizmit në Ukrainë”, thotë analiza.

“Kohët e fundit, Rusia ka përhapur pretendime të rreme për korrupsionin ukrainas, rënien e supozuar të mbështetjes politike për presidentin Zelenski dhe humbjen e dollarëve perëndimorë”.

Si përmbajtja ashtu edhe taktikat kanë evoluar që nga pushtimi më 24 shkurt të vitit 2022.

Në veçanti, vëren NewsGuard, ka pasur një përdorim në rritje të inteligjencës artificiale (IA).

Në vitin e parë të luftës, platforma hodhi poshtë 112 pretendime të rreme, një prej të cilave përfshinte inteligjencën artificiale; 71 në të dytën, pesë prej të cilave ishin me IA; dhe 119 në të tretën, 16 prej tyre me IA.

Deepfake-i i parë i përdorur nga Rusia dhe i identifikuar nga NewsGuard - në muajin mars të vitit 2022 - është një video e paqartë, me piksel: ajo tregon presidentin Zelenski në një podium presidencial duke u kërkuar ukrainasve të dorëzohen.

IA ka ndihmuar gjithashtu burimet pro-Kremlinit të imitojnë mediat e besueshme perëndimore - përfshirë BBC, CNN dhe Bloomberg News - për të përhapur pretendime të rreme.

Që nga fillimi i luftës, NewsGuard ka hedhur poshtë 44 tregime të rreme nga faqet e paraqitura si media të besueshme, duke përfshirë 24 që u shfaqën vitin e kaluar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit