QIPRO | U MBAJT PROTESTË KUNDËR PRANISË SË BAZAVE USHTARAKE BRITANIKE; QYTETARËT KËRKOJNË MBYLLJEN E TYRE.

Nikozi, Qipro | “Britania po përballet me thirrje në rritje për të tërhequr bazat e saj ushtarake nga Qiproja, ndërsa vendasit intensifikojnë protestat kundër objekteve, të cilat, i konsiderojnë kërcënim për sigurinë e tyre, pas një sulmi të paprecedentë me dron ndaj RAF-it Akrotiri”.

Kështu raportoi enti mediatik britanik “The Guardian” - pas demonstratave në rrugët e Nikozisë; ku protestuesit brohorisnin: “Jashtë bazat e vdekjes”.

Protestuesit marshuan drejt pallatit presidencial të epokës koloniale, nga frika se kombi mesdhetar do të tërhiqej në konfliktin më të gjerë me Iranin.

“Ato përbëjnë një kërcënim për sigurinë tonë dhe nuk duhet të kishin qenë kurrë këtu”, tha një qytetar protestues për entin mediatik britanik - duke denoncuar ekzistencën e bazave të krijuara si pjesë e një marrëveshjeje të negociuar për pavarësinë e ishullit.

“Ne duam që ato të mbyllen”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit