QEVERIA E KRYEMINISTRIT BENJAMIN NETANJAHU NUK FLET PËR ARMËPUSHIM NË GAZË | “NE PO VAZHDOJMË OFENSIVËN NË QYTETIN E GAZËS” - RAPORTON ENTI MEDIATIK IZRAELIT “CHANNEL 12”.

Jeruzalem, Izrael | Kabineti i sigurisë i qeverisë izraelite përfundoi pa asnjë diskutim mbi propozimin e fundit të armëpushimit të Hamasit dhe pa një votim formal për ndonjë masë.

Qeveria thuhet se është e vendosur të vazhdojë ofensivën e saj në Rrip duke pushtuar Qytetin e Gazës.

“Kryeministri izraelit Benjamin Netanjahu mblodhi Kabinetin e tij të Sigurisë sot në orën 16:00 sipas orës vendore (15:00 GMT) për të diskutuar Gazën dhe përpjekjet për të arritur një zgjidhje për pengjet”, tha zyra e tij për entin mediatik “Times of Israel”.

Zyra nuk sqaroi nëse Kryeministri Netanjahu do ta ngrinte propozimin për armëpushim dhe lirim gradual të pengjeve që Hamasi tha se e kishte pranuar javën e kaluar, megjithëse mediat hebraike raportuan se kjo nuk ishte në axhendën e takimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit