PËRPLASJE NË GJEORGJI PAS DRITËS JESHILE PËR LIGJIN E DISKUTUESHËM PËR NDIKIMIN E HUAJ.

Tbilisi, Gjeorgji | Parlamenti i Gjeorgjisë ka miratuar përfundimisht projektligjin e diskutueshëm mbi ndikimin e huaj, i cili, shumë besojnë se do të kufizojë liritë demokratike të gjeorgjianëve, pavarësisht demonstratave në shkallë të gjerë kundër tekstit, që sipas kritikëve të tij, po e distancon vendin kaukazian nga Europa për ta sjellë atë më afër Moskës.

Në leximin e tretë dhe të fundit, deputetët votuan 84 pro dhe 30 kundër, sipas pamjeve të transmetuara në televizionin shtetëror.

Me miratimin e ligjit të diskutueshëm për “influencat e huaja”, ka pasur përplasje mes policisë dhe mijëra qytetarëve që protestojnë prej ditësh jashtë ndërtesës së Parlamentit në Tbilisi.

Këtë e raporton enti mediatik Skai Njuz (Sky News).

Disa protestues thyen barrikadat e çelikut të vendosura rreth perimetrit të Dhomës së Deputetëve.

Policia me mjete rebelimi u përgjigj me topa uji për të shpërndarë turmën.

“Gjeorgjianët janë të bashkuar dhe do të vazhdojnë të luftojnë”, tha protestuesi Giorgi Agirbaia për entin mediatik në fjalë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now