PËRPLASJA E RE JO E MEDIATIZUAR MIDIS RUSISË DHE PERËNDIMIT NË NIGER.

Nga: z. Massimo Mazzucco. Romë Itali | Për momentin, grushti i shtetit në Niger ka prekur sistemin tonë mediatik vetëm pjesërisht, sikur të ishte një ngjarje dytësore. Por situata rrezikon të marrë një rëndësi parësore, duke qenë se në sfond po ndodh një përplasje indirekte mes fuqive perëndimore nga njëra anë dhe Rusisë nga ana tjetër. Grushtet e shtetit në Afrikë janë pothuajse të zakonshme, por këto janë zakonisht luftëra të brendshme për pushtet midis fraksioneve rivale. Në këtë rast, megjithatë, matrica “makropolitike” duket evidente, me një Rusi të qartë të gatshme për të ndihmuar Nigerin të dalë nga dominimi kolonialist franko-amerikan. (Kujtojmë se Nigeri prodhon 7% të uraniumit në botë). Zyrtarisht, Rusia ka deklaruar se është një çështje e brendshme e Nigerit dhe se ata “kurrë nuk përzihen në punët e brendshme të vendeve të tjera.” Por bezdisja që ky grusht shteti ka shkaktuar në qarqet franko-amerikane është evident: ministri i jashtëm francez deklaroi se “Presidenti i (i rrëzuar) Bazoum është i vetmi udhëheqës i vendit”, dhe se “Franca nuk e njeh autoritetin e ri të grushtit të shtetit komplotist Tchiani”. Franca “rikonfirmon edhe në termat më të fuqishëm kërkesat e komunitetit ndërkombëtar për rivendosjen e rendit kushtetues në Niger sa më shpejt të jetë e mundur.” “Komuniteti ndërkombëtar” i famshëm, pa fytyrë e pa emër, që prezumon të mund të ndërhyjë kudo që të dojë në botë. Ndërkohë, Sekretari i Jashtëm amerikan Blinken ka kërkuar “lirimin e menjëhershëm të presidentit të rrëzuar”, ndërsa unioni afrikan Ecowas, Bashkimi Evropian dhe Kombet e Bashkuara e kanë dënuar ashpër grushtin e shtetit. Amerikanët e përcaktojnë gjithashtu Nigerin si strategjikisht të rëndësishëm për luftën kundër terrorizmit islamik në Sahel. Që në përkthim do të thotë: “Ne kontrollojmë terroristët në atë zonë dhe nuk duam ndërhyrje.” Prandaj është e qartë se loja është shumë më e gjerë, dhe ka të bëjë me ekuilibrin e ri gjeopolitik në Afrikë. Kujtojmë se Nigeri tani po i bashkohet Malit dhe Burkina-Fasos, të cilat tashmë kanë lënë ombrellën perëndimore, dhe po i afrohen rrezikshëm orbitës së BRICS. © Copyright | Agjencia Telegrafike Vox