PËRFAQËSUESJA E LARTË E BASHKIMIT EVROPIAN KAJA KALLAS: PËRDORIMI NGA RUSIA KUNDËR UKRAINËS I RAKETËS HIPERSONIKE ORESHNIK ËSHTË PARALAJMËRIM PËR EVROPËN DHE SHBA-ës.

Bruksel, Mbretëria e Belgjikës | “Putini nuk dëshiron paqe, përgjigjja e Rusisë ndaj diplomacisë është më shumë raketa dhe shkatërrim.

Ky model vdekjeprurës i sulmeve të përsëritura ruse në shkallë të gjerë do të përsëritet derisa ta ndihmojmë Ukrainën ta thyejë atë.

Përdorimi i raportuar i raketës Oreshnik nga Rusia është një përshkallëzim i qartë kundër Ukrainës dhe synon të shërbejë si paralajmërim për Evropën dhe Shtetet e Bashkuara”.

Kështu tha Përfaqësuesja e Lartë e Bashkimit Evropian Kaja Kallas, në mediat sociale virtuale.

“Vendet e Bashkimit Evropian duhet të përdorin më shumë rezervat e tyre të mbrojtjes ajrore dhe të ofrojnë menjëherë ndihmën e nevojshme, si dhe të vendosin sanksione më të ashpra”, tha Përfaqësuesja Kallas.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit