PROTESTA NË MBARË FRANCËN KUNDËR VENDIMIT TË "NJERËZVE TË MENÇUR".

Këshilli Kushtetues francez i përbërë nga ata që njihen si “njerëzit e mënçur”, u ka hapur dritën jeshile dispozitave thelbësore të reformës së pensioneve, veçanërisht nenit më të kundërshtuar, atij që rrit moshën e daljes në pension nga 62 në 64 vjeç.

"Njerëzit e mençur" refuzuan gjithashtu kërkesën e 250 deputetëve të opozitës franceze për të mbajtur një referendum për reformën e pensioneve.

Në Paris, protesta kundër reformës është rimbledhur, me përleshje, bomba tymuese dhe biçikleta elektrike të djegura.

Presidenti francez, Emanuel Makron, do të shpallë reformën e pensioneve brenda 48 orëve.

Qeveria franceze tha në një deklaratë për shtyp se “merr parasysh vendimin e Këshillit Kushtetues”, dhe se “me këtë reformë sistemi ynë i pensioneve do të balancohet në vitin 2030”.

Si kundërreagim sindikatat franceze i bënë thirrje presidentit Makron që të mos miratojë ligjin e pensioneve. Partnerët socialë nuk do të pranojnë takime me ekzekutivin para datës 1 maj.

Pas miratimit të “njerëzve të mençur” francezë për reformën e pensioneve, udhëheqësi radikal i majtë, Jean-Luc Mélenchon, dënoi një vendim që tregon një Këshill Kushtetues "më të vëmendshëm ndaj nevojave të presidencialit dhe monarkisë se sa atyre të popullit sovran. Lufta vazhdon, ne duhet të mbledhim forcë”, tha ai.

Ndërsa politikania e krahut të djathtë, Le Pen, tha: "Nëse vendimi i Këshillit Kushtetues mbyll sekuencën institucionale, nuk vendoset fati politik i reformës së pensioneve".

“Populli e ka gjithmonë fjalën e fundit – vazhdoi Le Pen – do të jetë në dorën e popullit të përgatisë alternativën që do t’i kundërpërgjigjet kësaj reforme të kotë dhe të padrejtë”.

Demonstrata spontane dhe demonstrata të improvizuara në emër të zemërimit këtë mbrëmje janë ndezur kudo në Francë, me jo pak dhunë.

Në Rennes iu vu zjarri derës së një komisariati, në Paris pati shumë përplasje me policinë, djegie kazanësh dhe vandalizëm, me një bilanc përfundimtar 112 të arrestuar.

Në Paris protestat vazhduan në rrethe të ndryshme të qytetit deri në orët e vona të mbrëmjes, pasi kishin nisur pasdite pas shpalljes së vendimit të Këshillit Kushtetues, i cili vleftësoi një pjesë të madhe të reformës së pensioneve.

Incidentet filluan në sheshin e Hotel de Ville, ku rreth 4000 demonstrues ishin mbledhur për të protestuar, më pas vazhduan në rue de Rivoli, deri në vendin e quajtur de la Republique.

Grupe të tjera të rinjsh u nisën në procesion nga Gare Saint-Lazare.

Rreth orës 21:00, kanë ndodhur incidente në shumë rrethe të kryeqytetit. Aksidentet në Rennes, ku dera e një komisariati u dogj dhe më vonë hyrja në një qendër kongresi në manastirin historik Jakobin. Demonstrata dhe mitingje u organizuan në Lille, Dijon, Caen, Marseille, Nice, Toulouse.

Në Marsejë, protestuesit dolën në platformat në stacionin Saint-Charles, ku trafiku i trenave u pezullua.

Në Strasburg, disa qindra njerëz organizuan një demonstratë spontane e cila përfundoi me dhunë dhe gaz lotsjellës nga policia.

Incidente kanë ndodhur edhe në Bordo, Lyon dhe Grenoble, ku ka pasur përleshje mes demonstruesve dhe policisë.