PROKURORIA DHE ROJA BREGDETARE SUEDEZE PO HETOJNË NJË PRERJE TË DYSHUAR TË NJË KABLLOJE TË RE NËNUJORE NË DETIN BALTIK NË ISHULLIN GOTLAND | KRYEMINISTRI SUEDEZ ULF KRISTERSSON: SITUATË E TRAZUAR.

Stokholm, Mbretëria e Suedisë | Roja Bregdetare Suedeze po heton një prerje të dyshuar të një kablloje të re nënujore në Detin Baltik në ishullin Gotland.

“Kablloja që mund të jetë shkëputur ndodhet në territorin ekonomik suedez jashtë Gotland dhe është një kabllo që lidh Finlandën me Gjermaninë”, tha një zëdhënës i Rojës Bregdetare Suedeze për “SVT”-në, televizionin e shërbimit publik suedez.

Prokurorët suedezë kanë hapur një hetim paraprak.

“Ne kemi dërguar një varkë patrullimi në vend për të mbështetur hetimin”, përfundoi Roja Bregdetare suedeze.

Kryeministri suedez Ulf Kristersson u bë i vetëdijshëm për dyshimet e rojes bregdetare.

“Ne i marrim shumë seriozisht të gjitha raportet për dëmtime të mundshme të infrastrukturës në Detin Baltik. Siç thashë më parë, ato duhet të shihen në kontekstin e situatës së rëndë të sigurisë”, në të cilën ndodhemi, shkroi kryeministri Kristersson në rrjetin social virtual Iks (X).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit