PRESIDENTI VOLODIMIR ZELENSKI: ËSHTË CINIKE TË NA SULMOSH NË DITËT QË ÇOJNË NË NJË ARMËPUSHIM PROPAGANDISTIK.

Kiev, Ukrainë | “Është cinizëm i pastër të bësh thirrje për armëpushim dhe pastaj të festosh fitoren me qëllime propagande, ndërsa sulmet me raketa dhe dronë vazhdojnë çdo ditë para tij.

Rusia mund të armëpushojë në çdo kohë dhe kjo do t'i jepte fund luftës dhe reagimeve tona.

Paqja është e nevojshme dhe nevojiten hapa konkretë për ta arritur atë.

Ukraina do të veprojë në përputhje me rrethanat”.

Kështu shkroi Presidenti Volodimir Zelenski (Volodymyr Zelensky) në rrjetin social virtual Iks (X), duke komentuar sulmet e fundit ruse në Ukrainë.

“Mbrëmë, rusët sulmuan infrastrukturën energjetike në rajonin e Poltava.

Dhe ata goditën përsëri në një mënyrë veçanërisht frikacake me një raketë, ndërsa ekipet e shpëtimit nga Shërbimi Shtetëror i Emergjencave ishin tashmë në vendngjarje për të shuar zjarrin. Dhjetëra njerëz janë plagosur deri më tani.

Fatkeqësisht, katër persona kanë vdekur, përfshirë dy shpëtimtarë.

Ata janë Heroi i Ukrainës Viktor Kuzmenko, i cili iu përgjigj bombardimeve në mbi 50 raste, dhe Dmitro Skiril (Dmytro Skryl), i cili kishte shërbyer në Shërbimin Shtetëror të Emergjencave për më shumë se 20 vjet.

Rusët goditën gjithashtu rajonin e Kharkiv-it.

Katër persona u plagosën. Mjerisht, një person vdiq.

Ngushëllimet e mia.

Në rajonin e Dnipro, ata sulmuan infrastrukturën kritike. Tre persona u plagosën.

Në Pavlohrad, linjat e energjisë u dëmtuan, duke lënë mijëra familje pa energji.

Pati gjithashtu sulme në Zaporizhia dhe rajonin e Kievit, ku tre persona u plagosën.

Në përgjithësi, objektivat kryesore të Rusisë gjatë natës ishin infrastruktura jonë energjetike”, tha Presidenti Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit