PRESIDENTI I SHTETIT TË UKRAINËS VOLODIMIR ZELENSKI GJENDET NË PARIS PËR T'U TAKUAR ME PRESIDENTIN E REPUBLIKËS SË FRANCËS EMANUEL MAKRON.

Kiev, Ukrainë | Presidenti i Shtetit të Ukrainës Volodimir Zelenski do të takohet sot në Paris me homologun e tij francez Emanuel Makron, duke kërkuar të konsolidojë mbështetjen evropiane.

Ai ka qenë një vizitor i rregullt në Paris që kur Rusia nisi pushtimin e saj në muajin shkurt të vitit 2022.

Vizita e sotme është planifikuar të fillojë në orën 10:00 të mëngjesit.

Presidenti Zelenski do të pritet në Pallatin Elize.

Të dy krerët e shteteve do të lëshojnë një deklaratë për shtyp para një takimi dhe një dreke pune.

Ministri i Jashtëm francez Jean-Noël Barrot deklaroi dje në një koment për entin mediatik “La Tribune Dimanche” se takimi synon të çojë përpara negociatat.

“Paqja është e arritshme nëse (Presidenti rus) Vladimir Putin braktis shpresën e tij iluzore për të ringjallur perandorinë sovjetike përpara se të nënshtrojë Ukrainën”, tha Ministri Barrot.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit