PRESIDENTI I SALVADORIT NAIB (NAYIB) BUKELE MBAJTI FJALIM 80 MINUTËSH | NUK MË INTERESON NËSE MË QUAJNË DIKTATOR; E RËNDËSISHME ËSHTË QË KAM SHPARTALLUAR BANDAT KRIMINALE.

Salvador | Presidenti i Salvadorit, Naib (Nayib) Bukele, ka mbushur gjashtë vjet në detyrë, i fundit prej të cilëve i tejkaloi kufijtë e përcaktuar nga Kushtetuta, e cila, ndalon rizgjedhjen e menjëhershme dhe përcakton parimin e alternimit në krye të ekzekutivit.

Në një fjalim 80-minutësh të transmetuar në të gjithë vendin, kreu i shtetit deklaroi: “Për median ndërkombëtare, e dini çfarë? Nuk më intereson nëse më quajnë diktator.

Unë e preferoj këtë sesa të shoh salvadorianë të vrarë në rrugë.

Kur shikoj telefonin tim dhe shoh diktator, diktator, diktator, e preferoj këtë sesa vrasje, vrasje, vrasje”, tha ai.

Presidenti Bukele theksoi arritjet e qeverisë së tij në aspektin e sigurisë, duke thënë se në 25 vitet e aktivitetit të bandave MS-13 dhe Barrio 18, në El Salvador janë regjistruar më shumë se 200000 vrasje.

“Transformimi i El Salvadorit - tha ai - ka qenë një nga më të shpejtët në historinë moderne, por për ne ka qenë i ngadaltë.

Ne tashmë kemi arritur të pamundurën, por puna jonë sapo ka filluar.

Na është dashur të luftojmë për atë që vendet e tjera tashmë e marrin si të mirëqenë, që është mundësia e ndërtimit të një të ardhmeje sipas kushteve të tyre”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit