PRESIDENTI I REPUBLIKËS SË SHQIPËRISË BAJRAM BEGAJ - ME PROPOZIM TË KRYEMINISTRIT EDI RAMA - DEKRETOI LIRIMIN NGA DETYRA TË AMBASADORES SË REPUBLIKËS SË SHQIPËRISË PRANË UNESCO-s BESIANA KADARE.

Tiranë, Shqipëri | Presidenti i Republikës së Shqipërisë, Bajram Begaj - me propozim të Kryeministrit Edi Rama - dekretoi lirimin nga detyra të ambasadores së Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), Besiana Kadare.

Znj. Besiana Kadare është vajza e shkrimtarit Ismail Kadare.

Ajo e ka ushtruar për vite me radhë këtë funksion diplomatik, duke luajtur një rol të rëndësishëm në promovimin e trashëgimisë kulturore shqiptare dhe përfshirjen e saj në listën e trashëgimive botërore të mbrojtura.

PRESIDENTI

D E K R E T

PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,

D E K R E T O J:

Neni 1

Zonja Besiana Kadare lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.

Neni 2

Ky dekret hyn në fuqi menjëherë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit