PRESIDENTI DANLLD TRAMP (DONALD TRUMP) FALI DËNIMIN PENAL ME 45 VJET BURG PËR ISH-PRESIDENTIN E HONDURASIT JUAN ORLANDO HERNÁNDEZ.

Presidenti i Hondurasit, Juan Orlando Hernandez, flet gjatë ceremonisë së hapjes së Konferencës së OKB-së për Ndryshimet Klimatike COP26 në Glasgou, Skoci, të hënën, 1 nëntor 2021.

Uashington, Amerikë | Ish-presidenti i Hondurasit, Juan Orlando Hernandez, i dënuar vitin e kaluar me 45 vjet burg për rolin e tij në një operacion trafikimi droge që transportoi qindra ton kokainë në Shtetet e Bashkuara, u lirua nga burgu pas një faljeje nga Presidenti Danlld Tramp (Donald Trump).

Kështu pohuan zyrtarët të martën.

Uebsajti i Byrosë së Burgjeve të ShBA-ës tregon se z. Hernández u lirua nga burgu amerikan, Hazelton, në Virxhinian Perëndimore; një zëdhënës i byrosë konfirmoi lirimin e tij të martën.

Bashkëshortja e tij, Ana Garsia (García), e falënderoi Presidentin Tramp (Trump) për faljen e tij, nëpërmjet platformës sociale virtuale Iks (X).

“Pas pothuajse katër vitesh dhimbjeje, pritjeje dhe sfidash të vështira, bashkëshorti im Juan Orlando Hernández U KTHYE si njeri i lirë, falë faljes presidenciale të dhënë nga Presidenti Danlld Tramp (Donald Trump)”, thuhej në postimin e znj. Garsia (García).

Ajo përfshiu një fotografi të listës së Byrosë Amerikane të Burgjeve që tregonte lirimin e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit