___.png)
PRESIDENTI AMERIKAN BËN THIRRJE PËR ARMËPUSHIM TË MENJËHERSHËM NË GAZA.
- Agjencia Telegrafike Vox
- Apr 4, 2024
- 2 min read
Uashington, Amerikë | Presidenti amerikan Xhëu Baidn (Joe Biden) bëri thirrje për një armëpushim të menjëhershëm për të mbrojtur civilët dhe për të përmirësuar kushtet humanitare në Gaza të enjten.
Një lexim nga Shtëpia e Bardhë e një bisede telefonike që presidenti Baidn (Biden) kishte me kryeministrin izraelit Benjamin Netanjahu tha: “Ai e bëri të qartë nevojën që Izraeli të shpallte dhe zbatonte një sërë hapash specifikë, konkretë dhe të matshëm për të trajtuar dëmtimet civile, vuajtjet humanitare dhe sigurinë e punonjësve të ndihmës.
Ai e bëri të qartë se politika e SHBA-së në lidhje me Gazën do të përcaktohet nga vlerësimi ynë i veprimit të menjëhershëm të Izraelit ndaj këtyre hapave.
Ai nënvizoi se një armëpushim i menjëhershëm është thelbësor për të stabilizuar dhe përmirësuar situatën humanitare dhe për të mbrojtur civilët e pafajshëm dhe ai i kërkoi kryeministrit të fuqizojë negociatorët e tij për të përfunduar një marrëveshje pa vonesë për të sjellë pengjet në shtëpi.”
Në një konferencë shtypi pas njoftimit, zëdhënësi i Sigurisë Kombëtare të Shtëpisë së Bardhë, Admirali Xhan Kërbi (John Kirby) nuk pranoi të shpjegonte se cilat opsione politikash po shqyrtonte SHBA-ja në rast se Izraeli nuk do të bënte ndryshime konkrete dhe të prekshme.
