POLONI | 10 MIJË USHTARË PËR TË MBROJTUR INFRASTRUKTURËN NË KUADËR TË OPERACIONIT TË KODUAR “HORIZON”.

Varshavë, Poloni | Polonia nisi operacionin e koduar “Horizon” dhe vendosi 10 mijë trupa në përgjigje të sabotimit në hekurudhën Varshavë-Lublin.

“Qëllimi i planit - shpjegoi Ministri polak i Mbrojtjes Vladislav Kosiniak-Kamisiz (Wladyslaw Kosiniak-Kamysz) - është të mbrojë infrastrukturën kritike siç janë hekurudhat”.

“Ne synojmë të fillojmë operacionet më 21 nëntor dhe do të vendosim deri në 10 mijë trupa nga të gjitha forcat e armatosura”, shpjegoi Shefi i Shtabit të Përgjithshëm të Forcave të Armatosura Polake, Vieslav (Wiesław) Kukuła.

“Jam i bindur - shtoi ai - se me mbështetjen e Forcave të Armatosura, do të jetë e mundur të forcohet rezistenca kombëtare, duke përfshirë infrastrukturën kritike që u nevojitet edhe Forcave të Armatosura”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit