PIKA E KALIMIT KUFITAR MERDARE; BESIANË (PODUJEVË) | U ARRESTUA AUREL KAZIU (PUNONJËS I POLICISË SË SHTETIT TË REPUBLIKËS SË SHQIPËRISË); ARDIT LASKA; ETNIK AHMAXHOKAJ; 1 MILION € TË PADEKLARUARA.

Agjencia Telegrafike Vox
Feb 24
2 min read

Updated: Feb 25

Pika e Kalimit Kufitar Merdare, Besianë (Podujevë), Republika e Kosovës | Strukturat vendore të Policisë arrestuan:

1- Z. Aurel Kaziu, punonjës i Policisë së Shtetit të Republikës së Shqipërisë (Komisariati Nr. 5, i Drejtorisë Vendore të Policisë Tiranë).

2- Z. Ardit Laska.

3- Z. Etnik Ahmaxhokaj.

Gjatë kontrollit u gjet dhe u sekuestrua në cilësinë e provës materiale me karakter kompromentues penal:

1- Një shumë financiare të hollash e padeklaruar prej rreth një milion (1000000) €.

Ndaj tyre filluan hetimet penale paraprake për shkelje penale të parashikuar si:

1- “Shpëlarja e parave”.

Njoftim | Ekziston dyshimi i bazuar se të pandehurit, më 24.02.2026, rreth orës 13:00, kanë hyrë në territorin e Republikës së Kosovës me një furgon të tipit “Sprinter”, me targa shqiptare, të cilin e drejtonte i pandehuri E.A., i shoqëruar nga të pandehurit A.K. dhe A.L.

Të njëjtit, pasi ishin ndaluar në pikën doganore në Merdar, ishin shprehur se nuk kishin asgjë për të deklaruar.

Megjithatë pas kontrollit të detajuar nga njësitë relevante, brenda automjetit, në një hapësirë të modifikuar, janë gjetur 18 pako me para, të përbëra nga banknota të ndryshme prej 10, 20, 50, 100 dhe 200 euro, që sipas vlerësimeve fillestare, shuma e përgjithshme arrin rreth një milion euro, thuhet në njoftimin zyrtar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

Ne të njohim me botën | www.007vox.com | Burimi yt i informacionit